त्रिवेणी नगरपालिका पहिलो पूर्ण खोप सुनिश्चितता तथा दिगोपना घोषाणा

रेडियो पौरखी/बाजुरा,२५ बैशाख : त्रिवेणी नगरपालिका बाजुराकै पहिलो पूर्ण खोप घोषणा तथा दिगोपना घोषणा भएको छ । पालिकाका ९ वटै वडामा समयमै सबै बालबालिकालाई सबै किसिमको खोप लगाइसकपछि पालिकालाई पूर्ण खोप सुनिश्चितता तथा दिगोपना घोषणा गरिएको हो ।

त्रिवेणी नगरपालिकाको स्वास्थ शाखाका अनुसार हरेक स्थानीय तहले हरेक बर्ष आवश्यक मापदण्ड पूरा गरि पूर्ण खोप तथा दिगोपना घोषणा गरिन्छ सोहि अनुसार त्रिवेणी नगरपालिकाका ९ वटै वडाहरू पूर्ण खोप सुनिश्चितता घोषणा गरि बाजुराकै पहिलो नगरका रूपमा त्रिवेणी नगरपालिकालाई पूर्ण खोप तथा सुनिश्चितता दिगोपना घोषणा गरेको हो ।

त्रिवेणी नगरपालिकाका केही वडाका १र२ जना बालबालिका बाहेक सबै बालबालिकाले सबै किसिमका खोपहरू लगाइसकेको त्रिवेणी नगरपालिकाका प्रमुख प्रशासकीय अधिकृत चिरिन्जिवी शाहले जानकारी गराउनुभयो र आगामी दिनमा छुटेका, बालबालिकालाई पनि पूर्ण खोपको पहुँचमा ल्याउन त्रिवेणी नगरपालिकाको स्वास्थ्य क्षेत्र लागिपर्ने बताउनुभएको छ । पूर्ण खोप सुनिश्चिता तथा दिगोपना घोषण कार्यक्रम त्रिवेणी नगरप्रमुख,उपप्रमुख,प्रवक्ता, कार्यपालिका सदस्यहरू वडाध्यक्षहरू, स्वास्थ कार्यालय बाजुराका प्रमुख, तथ्यांक अधिकृत, पालिकामा कार्यरत स्वास्थ्यकर्मी लगायत सराकारवालाको सहभागिता रहेको थियो ।