मार्तडीमा बाजुरा कप फुटबल प्रतियोगिता हुदैँ ,प्रथम पुरस्कार एकसठ्ठी हजार

बाजुराः सदरमुकाम मार्तडीमा बाजुरा कप सेभेन ए साइड फुटबल प्रतियोगिता हुने भएको छ ।राष्ट्रका लागी खेलकुद,स्वास्थ्यका लागी खेदकुद भन्ने मुल नाराका साथ यहि असोज २२ गतेदेखि २६ गतेसम्म बाजुरा कप सेभेन ए साइड फुटवल प्रतियोगिता २०८२ सञ्चालन हुने आयोजकले बताएको छ ।

नेपालीहरुको महान चाड बडा दशै तथा शुभ दिपावली २०८२ को अवसर पारेर उक्त प्रतियोगिताको आयोजना गर्न लागिएको हो । गत बर्या पनि मार्तडीमा वडाअध्यक्ष सेभेन ए साइड खुल्ला फुटवल प्रतियोगिताको आयोजना गरिएको थियो । प्रतियोगिताको लागी सम्पुर्ण खेलाडी टिमहरुले असोज २१ गतेसम्म आफ्नो टिम दर्ता गरिसक्नु पर्ने छ । टिमदर्ता शुल्क पाँच हजार तोकिएको छ ।

प्रतियोगिताबाट विजेता टिमलाई नगद ६१ हजार सहित ट्रफि मेडल र प्रमाण पत्र प्रदान गरिने भएको छ । त्यस्तै प्रतियोगिताको उपविजेता द्धितिय हुने टिमलाई नगद ३१ हजार नगदसहित ट्रफि मेडल र प्रमाण पत्र प्रदान गरिने छ । प्रतियोगितामा सर्वोकृष्ट खेलाडीलाई नगद पाँच हजार, सर्वोकृष्ट गोलकिपरलाई नगद पाँत हजार त्यस्तै सर्वाधिक गाmेकर्तालाई नगद तिन हजार सहित सम्मान गरिने छ ।

थप जानकारीको लागी ९८६३४७१४२३,९८६३१००२२१,र ९८५८४८६००७ मा सम्पर्क गर्न आग्रह समेत गरिएको छ । प्रतियोगिता मालिका नमुना माविको खेलमैदानमा सञ्चालन हुने भएको छ ।